اسلام آباد (این این آئی)پاکستان تحریکِ انصاف کے رہنما لطیف کھوسہ نے کہا ہے کہ 9 اور 10 ستمبر کی درمیانی شب کو جمہوریت پر شب خون مارا گیا۔ لطیف کھوسہ نے میڈیا سے گفتگو میں کہا کہ یہ 9 مئی سے بڑا سانحہ ہے، اس پر جو کمیٹی بنائی ہے وہ اس معاملے کو سنجیدگی سے کیفرِ کردار تک پہنچائے۔

انہوں نے سوالیہ انداز میں کہا کہ کیا یہ پولیس والے تھے، غنڈے تھے یا خلائی مخلوق تھے، یہ ترامیم کہاں سے آ رہی ہیں؟ رہنما تحریکِ انصاف نے کہا کہ اگر ہم نے پارلیمنٹ کو بالا دست کرنا ہے تو اس کی عزت کریں۔