اسلام آباد(این این آئی)سابق ڈی جی آئی ایس آئی لیفٹیننٹ جنرل(ر)فیض حمید پرالیکشن 2024کے امور میں مداخلت کا الزام ہے۔ذرائع نے دعویٰ کیا ہے کہ فیض حمید نے الیکشن کمیشن کے امور میں مداخلت کی کوشش کی،فیض حمید نے الیکشن کمیشن کے سیکریٹری سے متعدد بار انتخابی امورسے متعلق کئی امیدواران کیلئے رابطے کیے۔

ذرائع کے مطابق الیکشن کے بعد فیض حمیدنے الیکشن ٹریبونلز سے متعلق بھی مداخلت کرنے کی کوشش کی،الیکشن کمیشن نے انتخابات کے دوران اوربعدمیں متعلقہ ادارے کو فیض حمید کے کردار پر آگاہ کیا۔ذرائع نے دعویٰ کیا کہ فیض حمید اپنے آبائی حلقے اور کچھ قریبی رفقا کیلئے الیکشن کمیشن کی مددچاہتے تھے۔