لاہور(این این آئی) ملک بھر میں ماہ صفرالمظفر 1446ہجری کا چاند نظر نہیں آیا۔میڈیارپورٹس کے مطابق ماہ صفر 1446ہجری کا چاند دیکھنے کیلئے رویت ہلال کمیٹیوں کے اجلاس منعقد ہوئے جس میں محکمہ موسمیات اور سپارکو کے ذمہ داروں نے بھی شرکت کی۔
زونل رویت ہلال کمیٹیوں کو ملک بھر سے چاند دکھائی دینے کی ایک بھی شہادت موصول نہیں ہوئی جس کے بعد مرکزی رویت ہلال کمیٹی نے ماہ صفر کا چاند دکھائی نہ دینے کا اعلان کردیا۔ وزارت مذہبی امور کی جانب سے جاری نوٹیفکیشن کے مطابق چاند نظر نہ آنے کے باعث (آج)منگل کو محرم الحرام کا تیسواں دن ہوگا اور یکم صفر المظفر 1446ہجری 7اگست بروز بدھ کو ہوگی۔
