لاہور( این این آئی)ہم خیال چھینہ گروپ کی جانب سے بھی آئندہ چوبیس گھنٹوں میں تحریک انصاف سے علیحدگی اختیار کرنے کا باضابطہ اعلان کیا جا سکتا ہے ۔تحریک انصاف کے رکن پنجاب اسمبلی غضنفر عباس چھینہ کی قیادت میں ہم خیال گروپ سامنے آیا تھا ۔ بتایا گیا ہے کہ اس گروپ میں 19کے قریب ٹکٹ ہولڈرز شامل ہیں جو متوقع طور پر آج سوموار کے روز پریس کانفرنس کر کے تحریک انصاف کو چھورنے کا اعلان کر سکتے ہیںہے ۔ غضنفر عباس چھینہ نے مختلف اضلاع سے تعلق رکھنے والے اپنے گروپ کے اراکین کو لاہور طلب کر لیا ہے اور قوی امکان ہے کہ یہ گروپ ملاقات کے بعدتحریک انصاف کو چھوڑنے کا باضابطہ اعلان کر ے گا ۔