اسلام آباد (مانیٹرنگ ڈیسک)پی ٹی آئی فارن فنڈنگ کیس کے فیصلے میں تاخیر پر پاکستان ڈیموکریٹک موومنٹ (پی ڈی ایم) نے آج اسلام آباد میں الیکشن کمیشن کے سامنے احتجاج کرے گی۔تفصیلات کے مطابق اسلام آباد کے ریڈ زون میں پی ڈی ایم کے احتجاج کرنے والے کارکنوں کیلئے سردی میں گرما گرم ناشتے کا بھی اہتمام کیا گیا ہے۔ کارکنوں کیلئے ہوٹل گرین پیلیس میں حلوہ پوری سمیت دیگر
لوازمات کا بھی اہتمام کیا گیا ہے۔ذرائع نے بتایا ہے کہ راولپنڈی اور اسلام آباد کے مختلف مقامات پر پی ڈی ایم کے ورکرز جمع ہونا شروع ہوگئے ہیں، پی ڈی ایم کی قیادت کشمیر چو ک پر کنٹینر پر سوار ہوکر الیکشن کمیشن کی طرف جائےگی جب کہ مظاہرے میں بلاول بھٹو زرداری شریک نہیں ہوں گے۔دوسری جانب وزیراعظم کے معاون خصوصی مولانا طاہر اشرفی ہم کسی کو سیاست کی آڑ میں فتوے بازی نہیں کرنے دیں گے،حکومت کسی کو ملک میں فرقہ واریت پھیلانےاورعقیدہ ختم نبوت ؐکی توہین کرنے کی اجازت نہیں دیں گے،مولانا فضل الرحمان اسلام آباد آئیں ہم اُنہیں ایسا حلوہ کھلائیں گے، جس سے طبیعت خراب نہ ہو ۔دریں اثنا وزیر دفاع پرویز خٹک نے کہا ہے کہ اپوزیشن کے استعفوں کا انتظار ہے، جلد سے جلد استعفے دیکر سیٹیں خالی کردیں، ہم مولانا فضل الرحمٰن کو حلوہ بھی کھلائیں گے۔نجی ٹی وی سے گفتگو کرتے ہوئے انہوں نے کہا کہ ہمیں اپوزیشن کے استعفوں کا انتظار ہے،اپوزیشن کے استعفوںسے اس ملک کی بہتری ہوگی۔انہوں نے کہا کہ پی ٹی آئی اپوزیشن کی خالی سیٹیں جیت کر ملک کی بہتری کے لیے نئی ترامیم کرے گی۔وزیر دفاع نے کہاکہ پی ڈی ایم لانگ مارچ اور استعفوں کا شوق جلد پورا کرلے، اپوزیشن کو کھانا بھی دیں گے۔پرویز خٹک نے کہاکہ پی ڈی ایم میں شامل جماعتیں چوں چوں کا مربہ ہیں۔
