اسلام آباد(آن لائن ) وفاقی کابینہ نے کہا ہے کہ اپوزیشن ابو بچاو مہم میں مصروف ہے، ن لیگی رہنما غلطی تسلیم کرنے کی بجئے اداروں کو متنازعہ بنا رہے ہیں ، ن لیگ کے کریمنلز لوگوں کو کرمنلز کی طرح ہی ڈیل کیا جائے۔ جبکہ وفاقی کابینہ نے ٹی سی پی کے ذریعے صرف ایک مرتبہ گندم درآمد کرنے اور ارسا میں ٹیلی میٹری سسٹم کی توڑ پھوڑ پر انکوائری شروع کرنے کی اجازت بھی دیدی ہےاسلام آباد وائلڈ لائف مینجمنٹ بورڈ کے نان آفیشل ممبرز کی تعیناتی، ایف آئی اے شیڈول آف افینسز
میں نئے قوانین کا اندراج کی منظوری دیدی گئی ہے ۔سیکریٹری کابینہ احمد نواز سکھیرا کو اسلام آباد کلب کا نیا ایڈمنسٹریٹر مقرر کرنے کی منظوری دی گئی ہے ۔ وزیر اعظم عمران خان کی زیر صدارت منگل کو وفاقی کابینہ کا اجلاس منعقد ہوا ۔اجلاس میں ملکی سیاسی ،معاشی اور قومی سلامتی امور پر غور کیا گیا ۔ وفاقی کابینہ نے متعدد ایجنڈا آئٹمز کی منظوری دیدی ۔ اجلاس کے شروع میں کابینہ ارکان نے اقوام متحدہ میں وزیراعظم کی تقریر کو سراہا ۔ کابینہ ارکان کا کہناتھا کہ وزیراعظم نے ا یک مرتبہ پھر عالم اسلام کی نمائندگی کی۔وزیراعظم نے بھارتی بربریت کو بے نقاب کیا ہے ۔ ذرائع کے مطابق کابینہ اقتصادی رابطہ کمیٹی کے 23 ستمبر کے فیصلوں کی توثیق کردی ۔کابینہ کی کمیٹی برائے توانائی کے 24 ستمبر کے فیصلوں کی بھی توثیق کردی ۔وفاقی کابینہ کو پاور سیکٹر ریفارمز پر بریفنگ دی گئی ۔کابینہ کو قرضوں اور ڈیبٹ سروسنگ اور برطانوی ائیر لائن اٹلانٹک ائیر ویز کی پاکستان میں سروس کے اجرائ� پر بریفنگ بھی دی گئی ۔ ذرائع کے مطابق کابینہ نے ٹی سی پی کے ذریعے صرف ایک مرتبہ گندم امپورٹ کی اجازت دیدی ہے ۔ اسلام آباد وائلڈ لائف مینجمنٹ بورڈ کے نان آفیشل ممبرز کی تعیناتی اور ایف آئی اے شیڈول آف افینسز میں نئے قوانین کا اندراج کی منظوری دیدی گئی ۔وفاقی کابینہ کو افغانستان کے لئے ویزا پالیسی میں تبدیلی پر بریفنگ دیدی گئی ۔کابینہ نے بائیولوجیکل ادویات کے ماہر کی تقرری کی اجازت دیدی۔کابینہ کو پاکستان میڈیکل اینڈ ڈینٹل کونسل کے آئین بارے آگاہ کیا گیا ۔کابینہ نے ارسا میں ٹیلی میٹری سسٹم کی توڑ پھوڑ پر انکوائری شروع کرنے کی اجازت دیدی ۔نیلم جہلم ہائیڈرو پاور کمپنی کے سی ای او کی تقرری کا معاملہ کابینہ میں پیش کردیا گیا ۔ سیکریٹری کابینہ احمد نواز سکھیرا کو اسلام آباد کلب کا نیا ایڈمنسٹریٹر مقرر کرنے کیمنظوری دیدی گئی ۔ذرائع کے مطابق وزیراعظم کے مشیر ادارہ جاتی اصلاحات ڈاکٹرعشرت حسین نے اربوں روپے خسارے سے دوچار پاکستان ریلوے کی بحالی اور ری سٹرکچرنگ سے متعلق رپورٹ کابینہ میں پیش کردی۔ڈاکٹر عشرت حسین نے ریلوے بحالی کیلئے 42سفارشات پر مبنی رپورٹ تیار کی ہے۔ پاکستان ریلوے میں مستقل ملازمین اور افسران بھرتی کرنے پرپابندی عائد کرنے کیسفارش کی گئی ہے ۔ رپورٹ میں مزید پنشن اخراجات میں کمی اورسبسڈی کی ادائیگی بند کرنے کی سفارش کی گئی ہے ۔وزارت ریلوے کو ریلوے میں روزانہ کی بنیاد پرمداخلت سے روکا جائے۔ گریڈ 21کے افسر کو چیف ایگزیکٹو آفیسر ریلوے تعینات نہ کرنے ،پاکستان ریلوے کو منافع بخش بنا کر نجکاری کرنے کی سفارش کی گئی ہے ۔ رپورٹ میں کہا گیا ہے کہ ریلوے ٹریک کی حالت انتہائی خراب ہے،خراب ٹریک حادثات کا باعث بن رہے ہیں۔خراب ٹریکس کو فوری ٹھیک کروانا ہو گا ۔ ذرائع کے مطابق کابینہ اجلاس میں اپوزیشن لیڈر اشہبازشریف کی گرفتاری کے بعد کی صورتحال پر مشاورت کی گئی ۔وزیراعظم نے کابینہ ارکان کو اپوزیشن کے بیانیہ پر حکومتی نکتہ نظر سے آگاہ کیا ۔وفاقی کابینہ میں ن لیگی قیادت کی طرف سے متنازع بیانات کے معاملے کوبھی زیر غور لایا گیا۔ کابینہ اراکین کا کہناتھاکہ ن لیگی راہنما غلطی تسلیم کرنے کی بجائے اداروں کو متنازع بنا رہے ہیں انہوں نے رائے دی کہ ن لیگ کے کریمنلز لوگوں کو کرمنلز کی طرح ہی ڈیل کیا جائے ۔ کابینہ میں مریم نواز کی پریس کانفرنس پر بھی تبادلہ خیال کیا گیا ۔ اراکین کا کہناتھا کہ اپوزیشن ابو بچاو مہم میں مصروف ہے ۔
