اسلام آباد(آن لائن) وفاقی حکومت نے گلگت بلتستان کو مشروط صوبائی حیثیت دینے کے لئے آئینی ترمیم کا فیصلہ کیا ہے۔وزارت قانون کے ذرائع کے حوالے سے میڈیا رپورٹس کے مطابق گلگت بلتستان پاکستان کا صوبہ ہوگا۔ یہ فیصلہ
گلگت بلتستان کی عوام کی خواہشات کو مدنظر رکھتے ہوئے کیا گیا ہے۔ اس سلسلے میں آئین کے آرٹیکل ایک اور 51 میں اہم تبدیلیاں کرنے کا فیصلہ کر لیا گیا ہے۔ آئین کے آرٹیکل 257 اور 258 میں بھی تبدیلیاں ہوں گی۔
