اسلام آباد(مانیٹرنگ ڈیسک)ایف بی آر ٹیکس ڈائریکٹری کے مطابق سابق وزیر اعظم شاہد خاقان عباسی سب سے زیادہ ٹیکس جمع کرانے والے رکن پارلیمنٹ ہیں۔ انہوں نے سال 2018 کے دوران 24 کروڑ روپے سے زائد کا ٹیکس ادا کیا۔نجی ٹی وی سمانیوز کے مطابق شاہد خاقان عباسی نے اکیلے جتنا ٹیکس

دیا ہے اتنا وزیر اعظم عمران خان اور ان کی کابینہ نے بھی نہیں دیا ۔ شاہد خاقان عباسی نے وزیر اعظم اور ان کی کابینہ کے 25 ارکان سے دگنا سے بھی زیادہ ٹیکس دیا ہے۔ ایف بی آر ٹیکس ڈائریکٹری کے مطابق کابینہ کے 25 اراکین اور وزیر اعظم عمران خان نے اجتماعی طور پر 11 کروڑ روپے ٹیکس ادا کیا۔