اسلام آباد(مانیٹرنگ ڈیسک)ن لیگ کے رکن پنجاب اسمبلی شوکت منظور چیمہ کورونا وائرس کے سبب انتقال کر گئے ہیں۔ترجمان محکمہ صحت نے بتایا کہ شوکت منظور چیمہ گزشتہ 10 روز سے وینٹی لیٹر پر تھے۔نجی ٹی وی رپورٹس کے مطابق شوکت منظور چیمہ کو پی کے ایل آئی میں داخل کیا گیا تھا۔ شوکت چیمہ پی پی 51 سے رکن

پنجاب اسمبلی تھے۔وزیراعلیٰ پنجاب عثمان بزدار نے شوکت منظور چیمہ کے کورونا کے باعث انتقال پر دکھ اور افسوس کا اظہار کیا ہے۔ وزیراعلیٰ پنجاب عثمان بزدار کا سوگوار خاندان سے دلی ہمدردی و اظہار تعزیت کی۔ ان کا کہنا تھا کہ رکن پنجاب اسمبلی شوکت منظور چیمہ کے انتقال پر دلی دکھ ہوا ہے۔اللہ تعالیٰ مرحوم کی روح کو جوار رحمت میں جگہ دے۔