گوادر بندرگاہ سے برآمدات کا عمل شروع ہو گیا،تین کنٹینرز اپنی منزل کو روانہ، مشیر تجارت عبدالرزاق داؤد نے خطیرزرمبادلہ کی خوشخبری سنا دی

  ہفتہ‬‮ 14 دسمبر‬‮ 2019  |  23:05

اسلام آباد(آن لائن)مشیر تجارت عبدالرزاق داؤد نے کہا ہے کہ گوادر بندرگاہ سے برآمدات کا عمل شروع ہو گیا ہے۔ گوادر بندرگاہ سے مچھلیوں کے تین کنٹینرز بھی اپنی منزل کو روانہ ہوگئے ہیں فی کنٹینر اوسط مالیت 50ہزار ڈالر ہے۔ میڈیارپورٹس کے مطابق عبدالرزاق داؤد نے بتایا کہ گوادر بندرگاہ برآمدات کیلئے آپریشنل ہوگئی ہے بجکہ گوادر بندرگاہ سے سی فوڈ کے کنٹینرز کی بڑی کھیپ اپنی منزل کو روانہ ہوگئی ہے جن میں مچھلیوں سے بھرے تین کنٹینرز سے بھی روانہ کیے گئے ہیں۔ مشیر تجارت عبدالرزاق داؤد نے کہا کہ گوادر بندرگاہ سے برآمدات شروع ہونے سے یقیناً


کراچی بندرگاہ پر دباؤ کم ہوگا اور برآمدات کم وقت میں دیگر ممالک کو پہنچ سکیں گی۔ روزانہ کئے گئے مچھلی کے ہر کنٹینر کی اوسط مالیت50ہزار ڈالر ہے جس سے خطیر زرمبادلہ حاصل ہوگا۔

موضوعات: