لاہور (آن لائن)پاکستان مسلم لیگ (ق )کے سربراہ چوہدری شجاعت حسین نے حکومت کو مشورہ دیا ہے کہ نواز شریف کو فوری طور پر بیرون ملک جانے کی اجازت دیدی جائے۔جمعہ کے روز صدر مسلم لیگ (ق )چوہدری شجاعت سے وزیر دفاع پرویز خٹک اور قائم مقام صدر صادق سنجرانی نے ان کی
رہائشگاہ پر ملاقات کی۔ذرائع کے مطابق اس موقع پر چوہدری شجاعت حسین نے پرویز خٹک کو مشورہ دیا کہ حکومت نواز شریف کو علاج کے لیے بیرون ملک جانے کی فوری اجازت دے تاکہ وہ باہر اپنا علاج کرا سکیں۔مسلم لیگ (ق )کے صدر نے یہ بھی کہا کہ حکومت نواز شریف کے حوالے سے پختہ فیصلہ کرے۔
