اسلام آباد (آئی این پی) وزیراعظم کے معاون خصوصی برائے سیاسی امور نعیم الحق نے کہا ہے کہ ناکام مبلغ، ناکام سفیر، ناکام لیڈر، ٹیکس چور بزنس مین مولانا ”ابن الوقت“ ملک میں انارکی پھیلانا چاہتے ہیں اوراس مقصد کیلئے جیل میں قید کچھ افراد کا سہارا لے رہے ہیں۔ سماجی رابطے کی ویب سائٹ ٹویٹر

پر ایک بیان میں نعیم الحق نے کہا کہ جمعہ کے روز نیب عدالت میں تماشا اور سرکس لگا، نظام انصاف کا برا تاثر گیا، اب اسے تبدیل کرنے کی ضرورت ہے۔ انہوں نے کہا کہ جیل میں قید شخص کیلئے گرفتاری کی درخواست حیرت انگیز ہے۔ انہوں نے سوال کیا کہ کیا حقیقت پسندی کی کوئی گنجائش ہے؟۔