اسلام آباد (مانیٹرنگ ڈیسک)ریڈیو پاکستان کی ویب سائٹ ہیک کر لی گئی جسے کچھ دیر بعد بحال کروا لیا گیا۔میڈیا رپورٹس کے مطابق ہیکرز گروپ کریش رولرز نے اپنے ٹویٹر پیغام میں کہا ہے کہ ’’ہیلو ایڈمن، آپ بہت محفوظ ہیں، ہم آپ کی سکیورٹی کے معترف ہیں، پاکستان زندہ باد‘‘۔ہیکرز نے ویب سائٹ کے منتظم کو پیغام دیا اور خبردار کرتے ہوئے مزید لکھا گیا کہ
ہماری آپ پر نظر پڑی تھی، ہم سے مزید توقع رکھیں۔کریش رولرز نے جن ویب سائٹ کو ہیک کرنے کا دعویٰ کیا ہے ان میں پاکستان کرکٹ بورڈ، بہاالدین زکریا یونیورسٹی، پبلک پروکرومنٹ ریگولیٹری اتھارٹی پاکستان، زوم پیٹرولیم پاکستان اور دیگر ویب سائٹس شامل ہیں البتہ ابھی تک مذکورہ اکاؤنٹ سے جاری بیان کے باوجود ان ہیکنگ کی تصدیق نہیں ہوسکی ۔
