اسلام آباد(مانیٹرنگ ڈیسک) وزیراعظم، وزیراعلیٰ اور گورنر پنجاب کی سکیورٹی پر نشئی اہلکاروں کو لگا دیا گیا، انکشاف پر آئی جی پولیس کی کارروائی، ڈیوٹی سے ہٹا دیا۔ مقامی اخبار کی رپورٹ کے مطابق وزیراعظم عمران خان ، وزیراعلیٰ پنجاب عثمان بزدار اور گورنر پنجاب چوہدری سرور کی سکیورٹی پر مامور فلائنگ سکواڈ کے بیشتر اہلکاروں کے نشئی ہونے کے انکشاف پر آئی جی پولیس پنجاب نے ان اہلکاروں کے خلاف کارروائی شروع
کر دی ہے۔ اس سلسلے میں جاری رپورٹ کے مطابق مذکورہ تینوں وی وی آئی پی شخصیات کی سکیورٹی پر مامور اہلکاروں کے نشئی ہونے کی وجہ سے ان شخصیات کی سکیورٹی کو خطرات لاحق ہو گئے ہیں۔ رپورٹ میں اس امر کی نشاندہی کی گئی ہے کہ فلائنگ سکواڈ کے پولیس اہلکار چرس اور ہیروئن پینے کے عادی ہیں اور انہیں نشے کی لت قربان لائن میں تعیناتی کے دوران پڑی جنہیں فوری طور پر سکیورٹی کی ڈیوٹی سے ہٹا دیا گیا ہے۔
