لاہور(این این آئی) پاکستان مسلم لیگ (ن) نے حکومت کے خلاف فوری کسی تحریک چلانے کی حکمت عملی کو تبدیل کرتے ہوئے قومی اورصوبائی اسمبلیوں میں ٹف ٹائم دینے کا فیصلہ کیا ہے ۔ ذرائع کے حوالے سے بتا یا گیا ہے کہ مسلم لیگ (ن) میں موجودہ صورتحال کے تناظر میں مشاورت کا عمل جاری ہے ۔
جس میں حکومت کی کارکردگی اور دیگر امور کا باریک بینی سے جائزہ لیا جارہا ہے ۔ مسلم لیگ (ن) کے بعض رہنماؤں کا کہنا ہے کہ حکومت کی کارکردگی ایسی نہیں کہ اسے کسی احتجاج کی صورت میں عوام کے سامنے خود کو مظلوم کے طور پر پیش کرنے کا موقع دیا جا سکے ۔
