اسلام آباد (آئی این پی)پاکستان مسلم لیگ (ن) کی ترجمان مریم اورنگزیب نے کہا ہے کہ پہلے حکومت بنانے کیلئے نواز شریف کو گرفتار کرلو،اب حکومت چلانے کیلئے نواز شریف کو گرفتار کرلو، اصل میں حکومت پر نواز شریف اور شہباز شریف کی کارکردگی کا خوف طاری ہے،جب قطری شہزادہ شکار کیلئے آیا تو عمران خان تنقید کرتے تھے، کم از کم عوام کو تو بتا دیں وہ کتنے دن کیلئے آیا،عوام آپ سے یہ نہیں پوچھتی کتنی بھیک ملی۔وہ پیر کو میڈیا سے گفتگو کر رہی تھیں۔مریم اورنگزیب
نے کہا کہ پہلے حکومت بنانے کیلئے نواز شریف کو گرفتار کرلو،اب حکومت چلانے کیلئے نواز شریف کو گرفتار کرلو، کیونکہ تماشہ کرنا ہے یہ تماشہ جاری رہے گا، اصل میں نواز شریف اور شہباز شریف کی کارکردگی کا خوف موجودہ حکومت پر طاری ہے،وہ خود اہلیت نہیں رکھتے، اسی وجہ سے اس قسم کے کیس سے انتقام لیا جا رہا ہے،جب قطری شہزادہ شکار کیلئے آیا تھا تو عمران خان صاحب تنقید کرتے تھے، لیکن فواد چوہدری کے بیان پر گفتگو نہیں کرنا چاہتی، اصل میں حکومت خود پریشان ہے۔
