اسلام آباد(مانیٹرنگ ڈیسک)لاہور میں بجلی بلوں کی اقساط پرپابندی میں مزید ایک ماہ کی توسیع، لیسکو نے نوٹیفکیشن جاری کر دیا۔ تفصیلات کے مطابق پاکستان کے صوبے پنجاب کے دارالحکومت لاہور میں بجلی فراہم کرنے والی کمپنی لیسکو نے بجلی بلوں کی اقساط پر عائد پابندی میں مزید ایک ماہ کی توسیع کر دی ہے جس کا نوٹیفکیشن بھی جاری کر دیا گیا ہے۔ لیسکو ترجمان کا کہنا ہے کہ ابھی دسمبر کے بلوں کی وصولی جاری ہے، کئی کئی ماہ تک صارفین بل نہیں

دیتے جس سے کمپنی پر اضافی بوجھ پڑ جاتا ہے اور بقایا جات پہلے ہی اربوں روپے میں ہیں اس لیے کوشش ہے کہ بقایاجات والے ادائیگی کر دیں ،کوئی ایک ماہ والا ضرورت مند ہو تو اس کو سہولت دی جاسکتی ہے لیکن مجموعی طور پراس ماہ پابندی رہے گی. لیسکو کی جانب سے عام صارفین کے بلوں پر اقساط پر پابندی تو عائد ہے تاہم کمپنی کی جانب سے اربوں روپے کے نادہندہ سرکاری وغیرسرکاری اداروں اور اہم شخصیات کی جانب سے وصولی کا کوئی اعلان سامنے نہیںآسکا۔