اسلام آباد(مانیٹرنگ ڈیسک) محکمہ موسمیات نے آئندہ دو روز کے دوران ہلکی بارش کی پیشگوئی کی ہے۔گلگت بلتستان، کشمیر اور خیبرپختونخوا کے علاقے سردی اور خشکی کی لپیٹ میں رہیں گے جب کہ آئندہ دو روز میں ہلکی بارش کا بھی امکان ہے۔پنجاب اور سندھ کے بیشتر علاقوں میں موسم خشک رہے گا۔ شہر لاہور میں صبح کے
وقت ہلکے بادل چھا جانے سے سردی میں اضافہ دیکھنے میں آیا، ماہرین موسمیات نے آئندہ 24 گھنٹوں میں لاہور کا موسم جزوی ابر آلود رہنے کا امکان ظاہر کیا ہے۔گزشتہ 24 گھنٹوں کے دوران ملک کے بیشتر علاقوں میں موسم سرد اور خشک رہا۔ سب سے زیادہ سردی سکردو میں پڑی جہاں درجہ حرارت منفی 05 ڈگری سینٹی گریڈ ریکارڈ کیا گیا۔
