اسلام آباد(نیوز ڈیسک) کراچی میں چینی قونصل خانے پر حملہ کرنے والوں کے بارے میں معروف صحافی حامد میر نے انکشاف کرتے ہوئے کہا کہ ان میں سے کوئی شخص بھی لاپتہ افراد کی فہرست میں شامل نہیں تھا، معروف صحافی نے سماجی رابطے کی ویب سائٹ ٹوئٹر پر اپنے پیغام میں کہا کہ کراچی میں چینی قونصل خانے پر حملہ کرنے والے دہشت گردوں میں سے کسی ایک کا نام بھی لاپتہ افراد کی فہرست میں شامل نہیں تھا افسوس کے کچھ
لوگوں نے جھوٹ بول کر اپنا ہی مذاق اڑایا @ImranKhanPTI نے بی این پی کے ساتھ تحریری وعدہ کیا تھا کہ وہ لاپتہ افراد کا مسئلہ حل کریں گے،وعدہ پورا کرو۔واضح رہے کہ گزشتہ روز میڈیا پر خبریں سامنے آئی تھیں کہ چینی قونصلیٹ پر حملے میں ملوث دہشت گردمبینہ طور پر بلوچستان سے لاپتہ ہونے والے افراد کی فہرست میں شامل تھے، ایک نجی ٹی وی چینل پر دفاعی امور کے تجزیہ نگار لیفٹیننٹ جنرل (ر) امجد شعیب نے یہ بات بتائی ۔
