لاہور (نیوز ڈیسک) مسلم لیگ (ن) کے رہنما تہمینہ دولتانہ نے کہا کہ شریف برادران کے خلاف بنائے گئے کیسز میں کوئی صداقت نہیں‘ ہمیں خاموش رہنے کا حکم ملا وقت آئے گا تو بولیں گے‘ تبدیلی کا دعویٰ کرنے والے عمران خان لوگوںکے سر سے چھت چھین رہے ہیں۔ اتوار کو مسلم لیگ (ن) کی رہنما تہمینہ دولتانہ نے میڈیا سے گفتگو
کرتے ہوئے کہا کہ شریف برادران کے خلاف بنائے گئے کیسز میں کوئی صداقت نہیں۔ ہمیں کہا گیا کہ حکومت کو وقت دو یہ معلوم نہیں کتنا وقت دینا ہے۔ ہمیں خاموش رہنے کا حکم ملا وقت آئے گا تو بولیں گے۔ انہوں نے کہا کہ تبدیلی کا دعویٰ کرنے والے عمران خان لوگوںکے سر سے چھت چھین رہے ہیں۔ لوگوں کے گھر اور دکانیں گرائی جارہی ہیں۔
