کراچی(مانیٹرنگ ڈیسک) کراچی میں سکیورٹی اداروں کی کارروائی، القاعدہ کے بانی و سربراہ اسامہ بن لادن کا محافظ اور ڈرائیور محمد عمر عرف جلال کاٹھیو گرفتار کر لیا گیا۔ نجی ٹی وی رپورٹ کے مطابق کراچی میں سکیورٹی اداروں کی کالعدم تنظیموں اور چھپے ہوئے دہشتگردوں کی تلاش کیلئے کی گئی کارروائیوں کے دوران القاعدہ بانی
و سربراہ اسامہ بن لادن کا محافظ اور ڈرائیور محمد عمر عرف جلال کاٹھیو گرفتار کر لیا گیا ہے۔ واضح رہے کہ اس سے قبل القاعدہ کے سربراہ اسامہ بن لادن بھی پاکستان میں کئی سال تک خفیہ طور پر روپوش تھے جنہیں امریکہ نے 2مئی 2011میں خیبرپختونخواہ کے شہر ایبٹ آباد میں ایک خفیہ ہیلی بون آپریشن کے دوران ہلاک کر دیا تھا۔
