جہلم(مانیٹرنگ ڈیسک )صوبہ پنجاب کے علاقے جہلم میں نامعلوم افراد کی فائرنگ سے پاکستان تحریک انصاف (پی ٹی آئی) کے رکن افضل جھمٹ جاں بحق ہوگئے۔ میڈیا رپورٹ کے مطابق پولیس کے حوالے سے بتایا گیا کہ ملزمان نے جہلم میں لاری اڈے پر افضل جھمٹ پر فائرنگ کی۔

فائرنگ کے نتیجے میں پی ٹی آئی رکن جاں بحق ہوگئے۔پولیس کا کہنا تھا کہ افضل جھمٹ لاری اڈے پر ایک ہوٹل پر چائے پی رہے تھے۔پولیس کے مطابق ملزمان موٹرسائکل پر سوار تھے جو واقعے کے بعد فرار ہوگئے۔انہوں نے مزید بتایا کہ واقعہ ذاتی دشمنی کا شاخسانہ معلوم ہوتا ہے۔

موضوعات:پی ٹی آئی جہلم