پشاور ( آن لائن)بس ریپڈ ٹرانزٹ منصوبے کے لئے جی ٹی روڈ پر نیا ٹریک تیار کر لیا ہے جبکہ انڈر پاسز پر بجلی لائٹ کی فراہمی ، ہنگامی بنیادوں پر نکلنے کے لئے راستوں کا تعین بھی کردیاہے جبکہ میٹرو بس روڈ کے لئے ضابطہ اخلاق بھی جاری کر دیا ہے جس کے تحت میٹرو کے لئے مخصوص روڈ پر احتجاج پر پابندی ہو گی اور اس ٹریک کوکوئی دوسری گاڑی استعما ل نہیں کریگی۔
خیبر بازار ، شعبہ بازار میں گارڈر رکھنے کا عمل مکمل ہو گیا ہے پشاو ر کینٹ ریلوے سٹیشن پر گارڈر رکھنے کا عمل کل سے شروع ہو جائیگا ۔ جبکہ نشتر آباد کے مقام پر گاڑی کے لئے پل کی تعمیر بھی کردی گئی ہے ۔ 26کلو میٹر منصوبے پر کام جاری ہے صوبائی حکومت نے پشاور میں جاری بس ریپڈ ٹرانزٹ منصوبے کی جلد ازجلد تکمیل اور اسے بین الاقوامی معیار اور تقاضوں کے تحت مکمل کرنے کا اعادہ کیا ہے تاکہ عوام کو بین الاقوامی معیار کی سفری سہولیات کم سے کم کرایہ میں دی جا سکیں ‘ اس حوالے سے پراجیکٹ کے ترجمان کے مطابق کام 24گھنٹے جاری ہے جس کیلئے جدید مشینری استعمال کی جا رہی ہے ترجمان کے مطابق کام کرنے والی کمپنی مقبول اینڈ سنز کیلسنز اور سی آر 21جی نامی کمپنیاں اس وقت تمام امور بین الاقوامی معیار کے مطابق سرانجام دے رہی ہیں ۔ترجمان نے بتایا کہ پراجیکٹ کے دورانیہ میں اضافہ مختلف مقامات پر پراجیکٹ کو توسیع دینے کی وجہ سے کیاگیا ہے جبکہ ٹریفک کی روانہ کو بھی جاری رکھا گیا ہے‘ ترجمان نے اس بات کا بھی اعادہ کیا کہ کسی قسم کے معیار پر سمجھوتہ نہیں کیا جا ئے گا اور صوبائی حکومت کی جانب سے کیاگیا بین الاقوامی طرز کا سفری منصوبہ پایہ تکمیل تک پہنچایا جائے گا جس کیلئے منصوبہ بندی کرلی گئی ہے ۔
