اسلام آباد (مانیٹرنگ ڈیسک)سابق وزیراعظم نواز شریف کی احتساب عدالت میں پیشی کے موقع پر شدید بدنظمی، دھکم پیل کے دوران صدیق الفاروق سیڑھیوں سے گر پڑے، لوگوں نے ن لیگی رہنما کو سہارا دیکر اٹھایا ، نواز شریف مسکرا پڑے۔ تفصیلات کے مطابق سابق وزیراعظم نواز شریف کی احتساب عدالت میں پیشی کے موقع پر ن لیگی رہنما صدیق الفاروق
قائد ن لیگ سے ملنے کیلئے آئے ہوئے تھے تاہم اس موقع پر شدید رش اور بدنظمی کے باعث دھکم پیل بھی دیکھنے میں آئی اور صدیق الفاروق اسی دھکم پیل کے نتیجے میں سیڑھیوں سےگر پڑے ، صدیق الفاروق نواز شریف کے قدموں میں گرے ۔ ان کو فوری طور پر لوگوں نے اٹھایا ۔ اس موقع پر نواز شریف ان کو دیکھ کر مسکرائے جبکہ صدیق الفاروق کھسیانے ہو گئے۔
