اسلام آباد(مانیٹرنگ ڈیسک)امریکی خاتون پاکستانی لڑکے کی محبت میں گرفتار ہو کر سیالکوٹ پہنچ گئی۔میڈیا رپورٹس کے مطابق 41 سالہ امریکی خاتون نے 21 سالہ پاکستانی لڑکے سے ملاقات کے لیے طویل سفر طے کیا اور پاکستان کے شہر سیالکوٹ پہنچ گئی۔ 41 سالہ ہیلینا کی 21 سالہ کاشف سے ملاقات سوشل میڈیا پر ہوئی۔ دونوں میں دوستی ہوئی جس کے بعد یہ دوستی پیار میں بدل گئی۔

ہیلینا نے 21 سالہ کاشف سے محبت کا اظہار کیا جس کے بعد دونوں نے شادی کرنے کا فیصلہ کر لیا۔ اسی لیے ہیلینا پاکستان پہنچ گئی۔ ہیلینا کاشف سے شادی کرنے سے قبل اسلام بھی قبول کرے گی جس کے بعد دونوں رشتہ ازدواج میں بندھ جائیں گے۔ ادھرکاشف کے اہل خانہ کے مطابق شادی کی تمام تر تیاریاں مکمل  کر لی گئی ہیں،شادی کے دعوت نامے بھی بھجوائے جا چکے ہیں۔