اسلام آباد(آئی این پی)ترجمان دفتر خارجہ ڈاکٹر محمد فیصل نے سوشل میڈیا پر زیر گردش خبروں کی تردید کرتے ہوئے کہا ہے کہ آسیہ بی بی کی بیرون ملک روانگی کے حوالے سے خبریں من گھڑت اور بے بنیاد ہیں‘ آسیہ بی بی پاکستان میں موجود ہیں بیرون ملک نہیں گئیں۔ اتوار کو توہین رسالتؐ کے کیس میں سپریم کورٹ سے بری ہونے والی
مسیحی خاتون آسیہ بی بی کے پاکستان سے باہر جانے کے حوالے سے سوشل میڈیا پر چلنے والی خبروں پر اپنے ردعمل کا اظہار کرتے ہوئے ترجمان دفتر خارجہ ڈاکٹر محمد فیصل کا کہنا تھا کہ آسیہ بی بی کی بیرون ملک روانگی کے حوالے سے خبریں من گھڑت اور بے بنیاد ہیں۔ انہوں نے کہا کہ آسیہ بی بی پاکستان میں موجود ہیں بیرون ملک نہیں گئیں۔
