اسلام آباد/لاہور(این این آئی)پاکستان میں امیراور غریب کے درمیان طبقاتی فرق بڑھنے لگا، دیہات میں 80فیصد آبادی خط غربت سے نیچے زندگی گزارنے پر مجبور ہیں۔ورلڈ بینک کی تازہ ترین رپورٹ کے مطابق شہری کے مقابلے میں دیہی علاقوں میں اب تک صحت سمیت دیگر بنیادی سہولیات ناپید ہیں، 80فیصد دیہی آبادی غربت کی لکیر سے نیچے زندگی گزاررہی ہے۔ پاکستان میں پانی کی فراہمی، صحت و صفائی اور

غربت کے عنوان سے اپنی رپورٹ میں ورلڈ بینک کا کہنا ہے کہ سب سے زیادہ بلوچستان کی 62فیصد آبادی خط غربت سے نیچے زندگی بسرکررہی ہے،سندھ میں 30جبکہ پنجاب اور خیبرپختونخوا میں بالترتیب 13اور 15فیصد پاکستانی غربت کی لکیر سے نیچے زندگی گزاررہے ہیں۔ رپورٹ کے مطابق ضلع ایبٹ آباد میں شرح غربت سب سے کم 5.8جبکہ بلوچستان کے ضلع واشک میں سب سے زیادہ 72.5فیصد ہے۔