لاہور (آئی این پی)سپریم کورٹ نے نعلین مبارک کی چوری سے متعلق کیس میں بنائی گئی جے آئی ٹی کے تمام نمائندوں کو طلب کرلیا‘ چیف جسٹس سپریم کورٹ جسٹس ثاقب نثار نے کہا کہ نعلین مبارک کی چوری عقیدے کا کیس ہے اس چوری کو ہوئے سولہ سال گزر چکے ہیں۔ اتوار کو سپریم کورٹ لاہور رجسٹری میں نعلین مبارک کی چوری سے متعلق کیس کی سماعت ہوئی۔ عدالت نے بنائی گئی
جے آئی ٹی کے تمام نمائندوں کو طلب کرلیا۔ چیف جسٹس نے ریمارکس دیئے کہ نعلین بارک کی چوری عقیدے کا کیس ہے۔ اتنی قیمتی چیز چوری ہوگئی اور ہمیں پتہ ہی نہیں چلا۔ وکیل نے موقف پیش کیا کہ ایف آئی آر درج کرائی جاچکی ہے جس پر ریمارکس دیتے ہوئے چیف جسٹس نے کہا کہ یہ عام کیس نہیں ہے کہ مقدمہ درج کرایا اور بیٹھ گئے سولہ سال گزر چکے ہیں اس چوری کو ہوئے۔