اسلام آباد(مانیٹرنگ ڈیسک ) وفاقی حکومت کا 12 ربیع الاول کو سرکاری طور پر منانے کا فیصلہ ۔تفصیلات کے مطابق ٹوئٹر پر جاری بیان میں وفاقی وزیراطلاعات فواد چوہدری نے کہا کہ ربیع الاول کو سرکاری طور پر اور شایانِ شان طریقہ سے منایا جائے گا۔انہوں نے بتایا کہ رحمت العالمین صلی اللہ علیہ والہ وسلم کانفرنس کاافتتاح وزیراعظم کریں گے۔

عوام نے حکومت کے اس فیصلے کو سراہا ہے ۔واضح رہے کہ حکومت نے 12 ربیع الاول کے موقع پر 2 روزہ ختمِ نبوت ﷺ انٹرنیشنل کانفرنس منعقد کرانے کا اعلان کیا ہے جس میں امامِ کعبہ، وائس چانسلر جامع الاظہر اور شام کے مفتی کو بھی مدعو کیا جائے گا۔یاد رہے12  ربیع الاول بدھ 21 نومبر کو منائی جائیگی اس موقع پر ملک بھر میں عام تعطیل ہوگی۔

موضوعات:فواد چوہدری