مظفرآباد(آن لائن)لائن آف کنٹرول (ایل او سی) کے تھب سیکٹر میں بھارتی فورسز کی فائرنگ کے نتیجے میں پاک فوج کے سپاہی ظہیر احمد شہید ہوگئے ہیں۔پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے تھب سیکٹر پر بلا اشتعال فائرنگ کی، جس کی زد میں آکر سپاہی
ظہیر احمد نے جام شہادت نوش کیا۔آئی ایس پی آر کے مطابق پاک فوج نے بھارتی بلااشتعال فائرنگ کو موثر جواب دیا اور دشمن کی گنیں خاموش کرا دیں،جوابی کاروائی میں دشمن کی چوکیوں کو نشانہ بنایا گیا ۔واضح رہے کہ شہید ظہیر احمد کا تعلق آزاد کشمیر کے علاقے بھمبر کے گاؤں سلطان پور سے تھا۔
