اسلام آباد(مانیٹرنگ ڈیسک)نیب کا پیپلزپارٹی رہنما اور سابق وزیراعظم راجہ پرویز اشرف کے بھائی راجہ جاوید اشرف کے خلاف قانونی کارروائی کا فیصلہ۔ تفصیلات کے مطابق نیب نے پیپلزپارٹی رہنما اور سابق وزیراعظم راجہ پرویز اشرف کے بھائی راجہ جاوید اشرف کے خلاف قانونی کارروائی کا فیصلہ کر لیا ہے۔ راجہ جاوید اشرف نے اپنے بھائی کے خلاف نیب پر کڑی تنقید کرتے ہوئے دھمکی دیتے ہوئے کہا تھا کہ راجہ پرویز اشرف کی جانب بڑھنے والے ہاتھ کو کاٹ دیا جائے گا۔
دوسری جانب چیئرمین نیب کا کہناہے کہ نیب ایک قومی ادارہ ہے اور خزانہ لوٹنے والوں کے خلاف نیب کی کارروائیاں جاری رہیں گی۔ واضح رہے کہ یہ وہی راجہ جاوید اشرف ہیں جنہوں نے الیکشن سے قبل ایک عوامی اجتماع میں خطاب کرتے ہوئے چیلنج کیا تھا کہ اگر عمران خان اقتدار میں آگئے تو وہ خودکشی کر لیں گے تاہم جب پی ٹی آئی اقتدار میں اور عمران خان وزیراعظم بن گئے تو انہوں نےابھی تک اپنے چیلنج کے حوالے سے کوئی بات نہیں کی اور نہ ہی کوئی اس حوالے سے ان کا بیان سامنے آیا ہے۔
