لاہور( آئی این پی) مسلم لیگ ن کی رکن پنجاب اسمبلی حنا پرویز بٹ نے یوم اقبال پر عام تعطیل کے مطالبے کی قرارداد پنجاب اسمبلی میں جمع کرادی۔مفکر پاکستان شاعر مشرق علامہ اقبال کا تکمیل پاکستان میں اہم کردار ہے۔انہوں نے اپنی پوری زندگی قیام پاکستان کیلئے وقت کردی۔پاکستان کے قیام کیلئے ان کی گراں قدر خدمات ہیں۔انہوں نے اپنی انقلابی شاعری سے مسلمانوں کیلئے
الگ وطن کا تصور پیش کیا۔ترکی ،ایران سمیت مغربی ممالک میں ان کو قدرکی نگاہ سے دیکھاجاتا ہے۔لہذا یہ ایوان وفاقی و صوبائی حکومتوں سے مطالبہ کرتا ہے کہ یوم اقبال پر ملک بھر میں عام تعطیل کا اعلان کیا جائے۔موجودہ حکومت نے پاکستان کو حقیقی معنوں میں قائد اور اقبال کا پاکستان بنانے کا نعرہ لگایا تھا۔حکومت کو اپنے نعرہ کو عملی جامعہ پہنانے کا وقت آگیا ہے۔
