اسلام آباد (مانیٹرنگ ڈیسک) مجھے پھنسانے کی کوشش کی جارہی ہے اگر جیل جانا پڑا تو خود جیل جاؤں گا، آصف زرداری کا اپنے اعزاز میں دئیے گئے عشائیہ سے خطاب۔ تفصیلات کے مطابق سابق صدر و کو چیئرمین پیپلزپارٹی آصف علی زرداری نے سید ہائوس میں اپنے اعزاز میں دئیے گئے عشائیہ میں سے خطاب کرتے ہوئے کہا ہے کہ مجھے پھنسانے کی کوشش کی جارہی ہے اگر جیل جانا پڑا تو خود جیل جاؤں گا۔ ان کا کہنا تھا کہ ان کے

دور حکومت میں انہوں نے کسی کو سیاسی بنیادوں پر جیل نہیں بھیجا جبکہ وہ سیاسی بنیادوں پر جیل میں رہے۔ آصف زرداری کا مزید کہنا تھا کہ نیب قوانین کے خوف کی وجہ سے زراء اور افسران پریشان ہیں اور ترقیاتی کام کرانے سے گھبرا رہے ہیں، لوگوں کو اب عقل آرہی ہے کہ نیب قوانین سخت ہیں۔ اس موقع پر آصف زرداری نے حکومت پر کڑی تنقید کرتے ہوئے کہا کہ پی ٹی آئی حکومت کے دور میں ڈالر آسمان پر اور روپیہ نیچے آگیا۔

موضوعات:زرداری