اسلام آباد (مانیٹرنگ ڈیسک) آسیہ مسیح کی رہائی کے فیصلے کے بعد ملک بھر میں احتجاج کا سلسلہ شروع ہو گیا تھا ، پاکستان کی مذہبی جماعت تحریک لبیک اس احتجاج میں سب سے آگے تھی ۔ اس دوران تحریک لبیک کے احتجاج دھرنے کے دوران ایک شخص کی ہاتھ میں تلوار لیکر سڑکوں پر نکلنے والے شخص کی خبریں سوشل میڈیا کی زینت بنیں تاہم اب اس
کی گرفتاری کی بھی خبریں گردش کر رہی ہیں اور اس حوالے ایک تصویر بھی سوشل میڈیا پر گردش کر رہی ہے جس میں تلوار والے شخص کو پولیس حراست میں دکھایا گیا ہے۔ وزارت داخلہ نے تین روزہ احتجاج کے دوران املاک کو نقصان پہنچانے والوں کی تصاویر جاری کر دی ہیں اور عوام سے اپیل کی ہے کہ شرپسند افراد کی شناخت کیلئے اداروں کی ساتھ تعاون کیا جائے۔
