گوجرانوالہ /حافظ آباد (نیوز ڈیسک ) گوجرانوالہ اور حافظ آباد میں پاگل کتے نے کئی بچوں سمیت 22 افراد کو کاٹ لیا، متاثرہ افراد کو طبی امداد کے لیے اسپتال منتقل کر دیا گیا۔ریسکیو ذرائع کے مطابق گوجرانوالہ میں پاگل کتے نے کئی بچوں سمیت 22 افراد کو کاٹ لیا، پاگل کتے کے کاٹنے کا واقعہ گوجرانوالہ کے علاقے زاہد کالونی میں پیش
آیا، زخمی افراد کو طبی امداد کیلئے ڈسٹرکٹ ہیڈکوارٹر اسپتال منتقل کردیا گیا ہے۔اسپتال ذرائع کے مطابق پاگل کتے کے کاٹنے سے زخمی ہونے والوں میں 11 بچے بھی شامل ہیں۔حافظ آباد کے مرکزی بازار میں بھی پاگل کتے کے کاٹنے سے 5 افراد زخمی ہوئے۔ریسکو ذرائع کے مطابق متاثرہ افراد کو طبی امداد کے لیے اسپتال منتقل کر دیا گیا ہے۔
