اسلام آباد (مانیٹرنگ ڈیسک)جڑوں شہروں میں آسیہ بی بی کی رہائی کے فیصلے کے بعد جڑوں شہروں میں کشیدگی برقرار، سلام آباد میں بہارہ کہو روڈ کو ممتاز قادری کے مزار کی جانب جانے والی سڑک کو مکمل بند کر دیا گیا۔ تفصیلات کے مطابق سپریم کورٹ کی جانب سے آسیہ بی بی کی رہائی کا فیصلہ آنے کے بعد ملک کے کئی اہم بڑے شہروں کی طرح جڑواں شہروں میں بھی
کشیدگی دوسرے روز بھی برقرار ہے اور اسلام آباد انتظامیہ کی جانب سے ممتاز حسین قادری کے عقیدت مندوں کو انکے مزار کی جانب جانے سے روکنے کیلئے سڑک مکمل طور پر بند کر دی گئی تاکہ مذہبی جماعتوں کے کارکنوں کو اس طرف آنے سے روکا جا سکے۔ روزنامہ نوائے وقت کی رپورٹ کے مطابق اسلام آباد انتظامیہ نے گزشتہ روز لوگوں کو مزار پر آنے سے روک دیا گیا، صرف چند مقامی افراد دربار پر آرہے ہیں۔یہ بات ممتاز قادری کے بھائی ملک سفیر اعوان نے اخبار سے بات کرتے ہوئے بتائی ہے۔ سفیر اعوان کا کہنا تھا کہ سپریم کورٹ کے فیصلے کے فوری بعد بھی لوگوں کی بڑی تعداد نے ادھر کا رخ کیا۔مزار پر دعا کے لیے آئے تین افراد نے بتایا کہ فیصلے کے بعد جہاں ملک بھر میں حالات خراب ہیں وہیں جڑواں شہروں میں بھی کشیدگی ہے، عوام کے معمولات زندگی بری طرح متاثر ہو رہے ہیں، سکول بند ہو رہے ہیں اور مارکیٹس بھی بند ہیں۔ زار پر دعا کے لیے آئے تین افراد نے بتایا کہ فیصلے کے بعد جہاں ملک بھر میں حالات خراب ہیں وہیں جڑواں شہروں میں بھی کشیدگی ہے، عوام کے معمولات زندگی بری طرح متاثر ہو رہے ہیں، سکول بند ہو رہے ہیں اور مارکیٹس بھی بند ہیں۔ ان کا کہنا تھا کہ وہ معمول کے مطابق مزار پر آتے ہیں دعا کرتے ہیں اور ملحقہ مسجد میں نماز ادا کر کے واپس چلے جاتے ہیں۔ سپریم کورٹ کے فیصلے کے بعد لوگوں کو اس طرف آنے سے روکا جا رہا ہے۔
