لاہور(آئی این پی) تجزیہ کاروں نے تحریک لبیک کے مظاہرے پر حکومت کی وارننگ کو کڑی تنقید کا نشانہ بناتے ہوئے کہا کہ کل تک تحریک انصاف کی حکومت ممتاز قادری کے نام ووٹ مانگتی رہی ہے اور آج وہ اس کی مخالفت کر رہی ہے ، اس حوالے سے سوشل میڈیا پر پی ٹی آئی رہنما یاسمین راشد کا بینر بھی شیئر کیا گیا ۔ جمعرات کو سوشل پر سینئر صحافی طلعت حسین نے کہا کہ اب ہم یکجہتی چاہتے ہیں ،
عام اور ضمنی انتخابات میں تحریک انصاف کے امیدوارون نے ووٹ لینے کیلئے ووٹرز کے مائنڈ سیٹ کے ساتھ کیا کیا، اس کی واضح مثال حلقہ این اے 120سے پی ٹی آئی کی امیدوار یاسمین راشد کا یہ بینر ہے جس میں لکھا گیا تھا کہ ’’اے مسلمانوں جاگو اور پی ٹی آئی کو ووٹ دے کر انصاف کرو۔ کیا آپ عاشق رسولؐ ممتازقادری (شہید) کو پھانسی دینے والے کو ووٹ دے کر اللہ تعالیٰ کو کیا جواب دو گے ۔ تجریہ کاروں نے کہا کہ کیا کبھی ان لوگوں کا بھی احتساب ہوگا جنہوں نے قومی یکجہتی کو تباہ کیا اور ایک جائز معمول کے کے میدان کو جنگ میں بدلا۔سوشل میڈیا پر وفاقی وزیر ریلوے شیخ رشید احمد کی ایک پرانی تقریر کی ویڈیو بھی جاری کی گئی جس میں وہ عوام کو جلاؤ گھیراؤ اور بغاوت کی ترغیب دے رہے ہوتے ہیں ۔ تجریہ کاروں کا کہنا تھ اکہ گزشتہ چار سالوں میں پی ٹی آئی اس کے حامیوں اور اتحادیوں نے انتشار کو فروغ دیا ۔ کھلی بغاوت کی کال دی ،لوگوں کو کافر قرار دے کر عوامی ہجوم کے حملے کو ان کے خلاف احتساب قرار دیا ۔ سوشل میڈیا پر شیخوپورہ بائی پاس پر عوامی احتجاج لگی آگ اور جلی گاڑیوں کی ویڈیوز بھی شیئر کی گئیں اور کہا گیا کہ پاکستانیوں کے احتجاج سے متاثر ہونے کے چند مناظر ہیں تاہم کسی میڈیا نے پی ٹی آئی حلقوں میں کیمرے توڑے جانے کے واقعات کو رپورٹ کیا۔ تجزیہ کاروں نے تحریک لبیک کے مظاہرے پر حکومت کی وارننگ کو کڑی تنقید کا نشانہ بناتے ہوئے کہا کہ کل تک تحریک انصاف کی حکومت ممتاز قادری کے نام ووٹ مانگتی رہی ہے اور آج وہ اس کی مخالفت کر رہی ہے
