لاہور(آئی این پی)آسیہ بی بی کی بریت کے عدالتی فیصلے کے خلاف سپریم کورٹ لاہور رجسٹری میں نظر ثانی اپیل دائر کردی گئی جس میں استدعا کی گئی کہ نظر ثانی اپیل کے فیصلے تک آسیہ بی بی کا نام ای سی ایل میں ڈالا جائے۔ جمعرات کو درخواست گذار قاری سلام کی جانب سے اظہر صدیق ایڈووکیٹ کے ذریعے دائر نظرثانی اپیل میں موقف اختیار کیا
گیا ہے کہ آسیہ بی بی نے تفتیش کے دوران جرم کا اعتراف کیاتھا ، ایف آئی آرتاخیرسے درج کرنے کا مطلب یہ نہیں کہ ملزمہ بیگناہ ہے، فیصلے پر نظر ثانی کی جائے۔درخواست گذار کی جانب سے کہا گیا ہے کہ آسیہ بی بی کی بریت کے فیصلے پر نظر ثانی کی جائے اور نظر ثانی کی اپیل کے فیصلے تک آسیہ بی بی کا نام ای سی ایل میں ڈالا جائے۔
