لاہور ( نیوز ڈیسک) مسلم لیگ (ن) کے ضمنی انتخابات میں دھاندلی روکنے کیلئے حکمت عملی بنا لی اور اس کے لئے لیگی کارکنان کی سو سے زائد ٹیمیں تشکیل دیدی گئیں ۔ذرائع کے مطابق (ن) کے کارکنان پولنگ اسٹیشنز سے آر او آفس تک گاڑیوں کے ساتھ رہیں گے ،کارکنان اس دوران
موبائل فون سے ویڈیو بھی بنائیں گے ۔ ذرائع کے مطابق (ن) لیگی قیادت نے ہدایت کی ہے کہ پچیس جولائی کی طرح اس دفعہ عوامی مینڈیٹ کو چوری نہیں ہونے دینا ،جب تک حتمی نتائج موصول نہیں ہو جاتے اس وقت تک آر او آفس نزد عامر ہوٹل کے باہر رہنے کی بھی ہدایت کی گئی ہے ۔
