کراچی (آن لائن)پاکستان تحریک انصاف کے نامزد گورنر سندھ عمران اسماعیل نے کہا ہے کہ عمران خان کے ساتھ تعلیم پرکام کرنے کا خواہش مند ہوں‘ایک سیٹ جیتنے کے بعد لوگوں نے ہمارا مذاق اڑایا تھاکہ عمران خان کب وزیراعظم بنے گے‘خواب دیکھنا اچھی عادت ہے۔پاکستان تحریک انصاف کے نامزد گورنر سندھ عمران اسماعیل نے میڈیا سے
بات چیت کرتے ہوئے کہا کہ خواب دیکھنا اچھی بات ہے ،ہم نے نئے پاکستان کا خواب دیکھا تھا،جب ہم نے ایک سیٹ جیتی تو لوگوں نے ہمارا مذاق اڑایا تھا،مگر ہمارے حوصلے بلند تھے اور ہم کامیاب ہو گئے۔ان کا کہنا تھا کہ آج تاریخی لمحات ہیں،2018میں عمران خان نئے پاکستان کا آغاز کر رہے ہیں،میری خواہش ہے کہ عمران خان کیساتھ مل کر تعلیم کیلئے کام کروں۔
