اسلام آباد(آئی این پی )چوہدری پرویز الٰہی کو اسپیکر پنجاب اسمبلی کیلئے امیدوار نامزد کرنے کے بعد پنجاب میں ایک اوراہم ترین عہدے کیلئے بھی امیدوارفائنل، عمران خان نے نام کا اعلان کردیا،پاکستان تحریک انصاف کے چیئرمین عمران خان نے ڈپٹی سپیکر پنجاب اسمبلی کیلئے دوست مزاری کا نام نامزد کردیا۔
پیر کو پی ٹی آئی اعلامیہ کے مطابق عمران خان نے پنجاب اسمبلی کے ڈپٹی اسپیکر کے عہدے کیلئے دوست مزاری کو امیدوار نامزد کردیا ۔ واضح رہے کہ پی ٹی آئی اس سے قبل چوہدری پرویز الٰہی کو اسپیکر پنجاب اسمبلی کیلئے امیدوار نامزد کرچکی ہے تاہم ابھی وزیراعلیٰ پنجاب کا نام فائنل نہیں ہوسکا۔
