اسلام آباد (نیوز ڈیسک) معروف صحافی، تجزیہ کار، کالم نویس حامد میر گزشتہ روز جیو کو چھوڑ کر جی این این گروپ میں بطور صدر شامل ہو چکے ہیں۔ حامد میر نے ایک طویل عرصہ جنگ اور جیو میں گزارا۔ ان کے جانے کے بعد افواہیں تھیں کہ مزید صحافی بھی جیو چھوڑ کر جائیں گے، اب جیو نیوز کے پروگرام ’’آپس کی بات‘‘ کے میزبان منیب فاروق نے بھی جی این این گروپ میں شمولیت اختیار کر لی ہے، اس کے علاوہ جیو اور

جنگ گروپ کے اہم رکن سہیل وڑائچ کے مستعفی ہونے کی اطلاعات ہیں اور کہا یہ جا رہا ہے کہ وہ بھی بہت جلد جی این این گروپ کا حصہ ہوں گے۔ واضح رہے کہ پاکستانی میڈیا میں جی این این گروپ ایک نیا اضافہ ہے جس میں حامد میر جیسے سینئر صحافی کی شمولیت اس کے لیے ترقی کا باعث بنے گی۔ معروف صحافی حامد میر کی جیو گروپ چھوڑنے کے ساتھ ساتھ وہاں سے دیگر صحافیوں کے چھوڑنے کی بھی اطلاعات ہیں۔