اسلام آباد (آئی این پی ) عام انتخابات کو گزرے ایک ماہ بھی نہ ہوا اور انتخابات سے جڑا ریکارڈ ردی میں بکنے لگا، اسلام آباد میں تندور والے فارم 46 کی کاپیوں میں روٹیاں لپیٹ کردینے لگے ،ریکارڈ میں پریزائیڈنگ اور سینئر اسسٹنٹ پریزائڈنگ افسران کی تربیت کا ریکارڈ بھی شامل۔ ریکارڈ کے مطابق پریزائڈنگ افسران نے آر ٹی ایس سے متعلق معلومات
کو اہم قرار دیا تربیت کے دوران الیکشن کمیشن کی طرف سے فراہم کیے گئے جائزہ فارم پر پریزائڈنگ افسران کے تاثرات موجود ہیں جن میں پریزائڈنگ افسران کی اکثریت نے غیر اطمینان بخش کھانا فراہم کیے جانے کی شکایت کی اور کچھ پریزائڈنگ افسران نے ٹریننگ کے مقام کو غیر تسلی بخش کہا،کسی نے جنریٹر کاانتظام نہ ہونے کی شکایت کی۔
