فیصل آباد(اے این این)موٹروے پر حد رفتار کی خلاف ورزی پر پی ٹی آئی کے مرکزی رہنما چوہدری سرور کی گاڑی کا چالان کر د یاگیا ، ایسی ہی خلاف ورزی پر دوسری گاڑی میں سوار پی ٹی آئی ایم پی اے ندیم بارا بھی کارروائی کی زد میں آگئے۔میڈیا رپورٹس کے مطابق لاہور سے اسلام آباد جاتے ہوئے

کالاشاہ کا کو کے قریب چوہدری سرور کے زیر استعمال لینڈ کروزر کی رفتار 120 کی بجائے 140 جبکہ ندیم بارا کی جیپ کی رفتار 137 کلو میٹر فی گھنٹہ پائی گئی جس پر باکس فارمیشن کے تحت تعاقب عمل میں لاتے ہوئے موٹروے پولیس نے دونوں گاڑیوں کو 750 روپے کی جرمانہ سلپ جاری کردی۔