لاہور(سی پی پی)لاہور سے قومی اسمبلی کے لئے ایک اہم حلقہ این اے 133کے تمام250پولنگ اسٹیشنزکے غیرحتمی غیرسرکاری نتائج آ گئے، مسلم لیگ(ن) نے میدان مارتے ہوئے تحریک انصاف کے اہم رہنما اعجاز احمد چوہدری کو شکست دے دی ہے ۔ غیرحتمی غیرسرکاری نتائج کے مطابق مسلم لیگ ن لاہور کے صدر پرویز ملک نے 87ہزار506ووٹ لیکرکامیابی حاصل کر لی ہے ۔

ان کے مد مقابل پی ٹی آئی کے اعجازچودھری75ہزار731ووٹ لیکردوسرے نمبرپررہے،اس حلقہ سے پاکستان پیپلز پارٹی کے امیدوار چوہدری اسلم گل تھے جبکہ مسلم لیگ ن کے باغی رہنما سید زعیم حسین قادری بھی امیدوار تھے تاہم وہ کوئی قابل ذکر ووٹ حاصل کرنے میں مکمل ناکام رہے ۔