ایک بہت بڑے لیڈر نے مجھے فون کرکے کہا ہے کہ ۔۔۔ حامد میر نے دھماکہ کر دیا، بہت جلد کیا ہونے والا ہے؟ حیران کن انکشافات اسلام آباد (مانیٹرنگ ڈیسک) انتخابات 2018ء کے غیر حتمی اور غیر سرکاری نتائج کا سلسلہ جاری ہے اور ان نتائج کے مطابق جزوی اور غیر سرکاری طور پر تحریک انصاف برتری حاصل کیے ہوئے

ہیں اور وہ مخلوط حکومت بنانے کی پوزیشن میں آ چکی ہے، اس موقع پر مختلف سیاسی جماعتوں کی جانب سے دھاندلی کے الزامات کا سلسلہ بھی جاری ہے، واضح رہے کہ متحدہ مجلس عمل کے سربراہ مولانا فضل الرحمان نے سینئر صحافی حامد میر سے فون پر رابطہ کیا ہے،اس بات چیت کا احوال لکھتے ہوئے سماجی رابطے کی ویب سائٹ ٹوئیٹر پر سینئر صحافی نے لکھا کہ آپ پسند کریں یا نہ کریں لیکن متحدہ مجلس عمل (ایم ایم اے) کے سربراہ مولانا فضل الرحمان نے مجھے فون کرکے کہا ہے کہ وہ دھاندلی زدہ نتائج تسلیم نہیں کر سکتے اور وہ جلد ہی آل پارٹیز کانفرنس بلانے جا رہے ہیں۔ واضح رہے کہ مولانا فضل الرحمان نے الیکشن میں دھاندلی پر آل پارٹیز کانفرنس بلانے کا اعلان کر دیا ہے، مولانا فضل الرحمان نے کہا ہے کہ دھاندلی شدہ نتائج قبول نہیں کریں گے، اس سے قبل پاکستان مسلم لیگ (ن) نے بھی انتخابات کے نتائج کو مسترد کر دیا ہے،مولانا فضل الرحمان کا کہنا ہے کہ انتخابات میں دھاندلی پر آصف علی زرداری اور شہباز شریف سے بات ہو گئی ہے۔‎