ڈیرہ غازی خان (مانیٹرنگ ڈیسک) غیر حتمی اور غیر سرکاری نتائج کے مطابق ڈیرہ غازی خان میں تحریک انصاف نے شہباز شریف کو شکست دے دی۔ حلقہ این اے 192 ڈی جی خان IV میں تحریک انصاف کے امیدوار سردار محمد خان لغاری نے پاکستان مسلم لیگ (ن) کے صدر شہباز شریف کو شکست دے دی ہے۔ پولنگ ختم ہونے کے ایک گھنٹے بعد غیر سرکاری غیر حتمی نتائج آنے کا سلسلہ شروع ہوا۔ اس سلسلے میں قومی اسمبلی کی 272 میں سے 260 نشستوں کے 40 سے 50 فیصد پولنگ اسٹیشنز کے
غیر سرکاری غیر حتمی نتائج موصول ہو چکے ہیں۔ مسلم لیگ ن کے صدر شہباز شریف کو ڈیرہ غازی خان میں تحریک انصاف کے امیدوار کے ہاتھوں شکست کا سامنا کرنا پڑا ہے۔ ڈی جی خان کے حلقہ این اے 192 سے تحریک انصاف کے امیدوار سردار محمد خان لغاری نے صدر ن لیگ کو شکست سے دوچار کیا ہے جبکہ ن لیگ کے صدر شہباز شریف دیگر حلقوں میں بھی مشکلات کا شکار ہیں۔ شہباز شریف کو ڈیرہ غازی خان میں تحریک انصاف کیخلاف اپ سیٹ شکست ہو گئی ہے۔
