بے نظیر آباد، لاڑکانہ (مانیٹرنگ ڈیسک) قومی اسمبلی کے حلقہ این اے 213 بے نظیر آباد کے غیر سرکاری اور غیر حتمی نتائج آنا شروع ہو چکے ہیں، اس حلقے میں پیپلز پارٹی کے آصف علی زرداری اور گرینڈ ڈیموکریٹک الائنس کے سردار شیر محمد رند بلوچ کے درمیان مقابلہ تھا، غیر حتمی اور غیر سرکاری نتائج کے مطابق پیپلز پارٹی کے امیدوار آصف علی زرداری 8444 ووٹ اور ان کے مقابلے میں جی ڈی اے کے امیدوار سردار شیر محمد رند بلوچ نے
ا ب تک صرف 2200 ووٹ حاصل کیے ہیں۔ جبکہ قومی اسمبلی کے حلقہ این اے 200 لاڑکانہ کے غیر سرکاری اور غیر حتمی اب تک آنے والے نتائج سامنے آنا شروع ہو گئے ہیں اس حلقے میں پیپلز پارٹی کے بلاول بھٹو زرداری اور متحدہ مجلس عمل کے راشد محمود سومرو کے درمیان مقابلہ تھا، پیپلز پارٹی کے امیدوار بلاول بھٹو زرداری نے اب تک 420 ووٹ حاصل کیے ہیں جبکہ متحدہ مجلس عمل کے امیدوار راشد محمود سومرو نے اب تک 128 ووٹ حاصل کیے ہیں۔
