ڈیرہ اسماعیل خان (مانیٹرنگ ڈیسک) قومی اسمبلی کے حلقہ این اے 38 اور حلقہ این اے 39 ڈی آئی خان کے غیر سرکاری اور غیر حتمی نتائج سامنے آنا شروع ہو گئے ہیں، حلقہ این اے 39 میں تحریک انصاف کے محمد یعقوب شیخ اور متحدہ مجلس عمل کے مولانا فضل الرحمان کے درمیان مقابلہ تھا، یہاں غیر حتمی نتائج کے مطابق تحریک انصاف کے امیدوار محمد یعقوب شیخ 1086 ووٹ لے کر دوسرے نمبر پر ہیں

جبکہ متحدہ مجلس عمل کے امیدوار مولانا فضل الرحمان 1471 ووٹ لے کر پہلے نمبر پر ہیں جبکہ حلقہ این اے 38 ڈی آئی خان کے حلقے میں تحریک انصاف کے علی امین خان گنڈہ پور اور متحدہ مجلس عمل کے مولانا فضل الرحمان کے درمیان مقابلہ تھا، تحریک انصاف کے امیدوار علی امین خان گنڈہ پور 3452 ووٹ لے کر پہلے نمبر پر جبکہ متحدہ مجلس عمل کے امیدوار مولانا فضل الرحمان 3015 ووٹ لے کر دوسرے نمبر پر ہیں۔‎‎