اسلام آباد (این این آئی)پاکستان تحریک انصاف کے سربراہ عمران خان کی میڈیا ٹاک پر الیکشن کمیشن کی جانب سے نوٹس کے معاملے پر پاکستان تحریک انصاف میدان میں آگئی ہے اور شدید رد عمل دیا ہے ۔پاکستان تحریک انصاف کے ترجمان نے کہا کہ الیکشن کمیشن کاعمران خان کو نوٹس ناقابل فہم ہے انہوں نے کسی صورت انتخابی
ضابطہ اخلاق کی خلاف ورزی نہیں کی ۔واضح رہے کہ الیکشن کمیشن آف پاکستان نے تحریک انصاف کے چیئرمین عمران خان کی ووٹ ڈالنے کے بعد میڈیا ٹاک کا نوٹس لیاتھا اور موقف اپنایا تھا کہ عمران خان نے ووٹ پر سب کے سامنے مہر لگا کراورمیڈیاٹاک کرکے ضابطہ اخلاق کی خلاف ورزی کی۔
